Plantun de Prouvènço

Pèr coumpara dos planto d'encò nostre

Orobanche grenieri & Lunaria rediviva

Orobanche grenieri

Orobanchaceae

Nom en français : Orobanche de Grenier.

Descripcioun :
Aquesto erbo-de-taurèu pulèu raro, trachis dins li tepiero roucaiouso. Parasito li lachugo e en particulié Lactuca viminea e Lactuca perrenis. Se recounèis à si flour di dos coulour, la baso blanco e jauno e pièi lou bout vióulet. Èi procho de Orobanche cernua que elo trachis dins li relarg sala sus Artemisia caerulescens.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Vióuleto
Petalo : irreguliero
Ø (o loungour) flour : 12 à 16 mm
Flourido : Printèms

Sòu : Ca
Autour basso e auto : 0 à 1400 m
Aparado : Noun
Abriéu à jun

Liò : Tepiero roucaiouso
Estànci : Mesoumediterran à Subremediterran
Couroulougi : Éuroupenco-Sud-Ouèst
Ref. sc. : Orobanche grenieri F.W.Schultz, 1846

Desferro-miòu

Lunaria rediviva

Brassicaceae Cruciferae

Àutri noum : Erbo-de-la-routo, Desferro-mulet.

Noms en français : Lunaire vivace, Lunaire odorante.

Descripcioun :
Lou desferro-miòu es uno planto devengudo raro que trachis dins li bos fres e umido de basso mountagno. Li flour soun claro e embaumon. Se recounèis tambèn à si fueio que podon deveni esnormo e à si siliculo pu longo que li de la mounedo-dóu-Papo, mai coumuno e di flour pu acoulourido.

Usanço :
Coume pèr la mounedo-dóu-Papo, li jóuini brout soun manja en Bousnìo. Flour, fueio e fru soun tambèn manjadis mai pulèu amar (F. Couplan, op.cit. p. 316). Pamens l'acampas pas qu'es uno planto proutegido.

Port : Erbo
Taio : 40 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lunaria
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 1,5 à 3 cm
Flourido : Printèms - Estiéu

Sòu : Ca
Autour basso e auto : 200 à 1600 m
Aparado : Vo
Mai à juilet

Liò : Bos fres - Gaudre
Estànci : Mountagnard
Couroulougi : Éurosiberiano
Ref. sc. : Lunaria rediviva L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orobanche grenieri & Lunaria rediviva

ges

Coumpara Erbo-de-taurèu(-de-Grenier) emé uno autro planto

Coumpara Desferro-miòu emé uno autro planto